Yuxarı
    Bağlamaq

    Ukrayna XİN Rusiya vətəndaşlarının ölkəyə girişinə qadağa qoyulmasının mümkünlüyü barədə məlumat verib

    XİN nümayəndəsi: Bu məsələ ilə bağlı işlər başlayıb

    Bakı. 30 iyun. REPORT.AZ/ Ukrayna Xarici İşlər Nazirliyi Rusiya vətəndaşlarının ölkəyə girişinə qadağa qoyulmasının mümkünlüyü barədə məlumat verib.

    "Report" Ukrayna KİV-inə istinadən xəbər verir ki, bu barədə nazirliyin siyasi məsələlər şöbəsinin müdiri Aleksey Makeyev bildirib.

    "Hazırda işlər başlayıb. XİN ekspertlər və vətəndaş cəmiyyətlərini cəlb edərək məsələni yalnız dövlət, hakimiyyət səviyyəsində müzakirə etmir. Məsələ ilə bağlı qərar hələ qəbul edilməyib. Bizdə çoxlu variant var və onlardan hər birindən istifadə etmək mümkündür. XİN, xüsusi xidmət orqanları, dövlət rəhbərliyi qarşısında dayanan real məsələlərə əsaslanacağıq", - o deyib.

    A.Makeyevin sözlərinə görə, variantlardan biri Rusiyanın müəyyən kateqoriyadan olan vətəndaşlarının girişini məhdudlaşdırmaq ola bilər: "Daha bir variant kimi viza rejiminin tətbiqi nəzərdən keçirilir."

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi