Ukrayna taxıl müqaviləsinin uzadılmasına çağırıb

Rəsmi Kiyev Qara dənizdən taxıl ixracına dair sazişlərin uzadılmasının tərəfdarıdır.

“Report” xəbər verir ki, bunu Ukraynanın BMT-dəki daimi nümayəndəsi Serqey Kislitsa deyib.

BMT Təhlükəsizlik Şurasının iclasında Kislitsa bildirib ki, Ukrayna taxılının ixracı artıq qlobal bazarların sabitləşməsinə və qiymətlərin aşağı düşməsinə töhfə verib.

Onun sözlərinə görə, Ukrayna hakimiyyəti ixracın noyabrın 22-dən sonrakı dövrə uzadılmasını dəstəkləyir. Həmin tarixdən sonra müqavilənin ilkin 120 günü başa çatır.