​Ukrayna Rusiya ilə sərhədlərin möhkəmləndirilməsi planını təsdiq edib

Bakı. 15 may. REPORT.AZ/ Ukraynanın Nazirlər Kabineti 2015-2018-ci illər üçün nəzərdə tutulmuş Rusiya-Ukrayna dövlət sərhədlərinin mühəndis-texniki abadlaşdırılması üzrə tədbirlər planını təsdiq edib.

"Report" xəbər verir ki, müvafiq sərəncam hökumət portalında dərc olunub.

"Ukrayna-Rusiya dövlət sərhədləri, anti-terror əməliyyatlarının aparıldığı rayonlar və Krım Muxtar Respublikasına bitişik ərazilərin mühəndis-texniki abadlaşdırılması üzrə tədbirlər planı təsdiq edilsin", — deyə sənəddə bildirilir.