"Twitter" maydan 70 milyondan çox şübhəli profili blok edib

Bakı. 7 iyul. REPORT.AZ/ "Twitter" sosial şəbəkəsi may ayından etibarən sutkada təqribən bir milyon profili blok etməklə 70 milyondan çox saxta və ya şübhəli əkkauntu bağlayıb.

“Report” RİA "Novosti"yə istinadən xəbər verir ki, bu barədə şirkətin hesabatına istinadən "Washington Post" qəzeti yazıb.

Nəşrin məlumatına görə, sosial şəbəkə 2017-ci ilin oktyabrından saxta profillərlə mübarizəni iki dəfə artırıb. Sosial şəbəkə hesabatda yer alan məlumatları təsdiq edib.