Yuxarı
    Bağlamaq

    Türkmənistan və Hindistan liderləri TƏPH layihəsini müzakirə edəcək

    Türkmənistan prezidenti Hindistanın baş naziri ilə bu gün danışıqlar aparacaq

    Bakı. 11 iyul. REPORT.AZ/ Türkmənistan prezidenti Qurbanqulu Berdımuxammedov Aşqabada səfərə gələn Hindistanın baş naziri Narendra Modi ilə bu gün danışıqlar aparacaq.

    "Report"un RİA Novosti-yə istinadən verdiyi məlumata görə, tərəflər xüsusi ilə enerji sahəsində əməkdaşlıq mövzusunu müzakirə edəcəklər. Hər iki tərəf Türkmənistan-Əfqanıstan-Pakistan-Hindisan (TƏPH) qaz kəməri layihəsinin həyata keçirilməsini prioritet məsələ hesab edir.

    Xatırladaq ki, TƏPH layihəsinin hüquqi bazasını 2010-cu ildə Aşqabadda iştirakçı dövlətlərin imzaladıqları saziş təşkil edir. Lakin layihənin reallaşdırılmasında ciddi əngəl Əfqanıstanın qeyri-stabil olmasıdır. Amma rəsmi Kabul qaz kəmərinin təhlükəsizliyini təmin edəcəyinə söz verib.

    TƏPH layihəsi çərçivəsində ildə 33 milyard kubmetr qazın nəql edilməsi nəzərdə tutulub. Kəmərin uzunluğu isə 1735 kilometr olacaq. Qaz kəməri Türkmənistanın "Qalkınış" yatağından başlayaraq, Herat və Qəndəhər şəhərlərindən keçərək, Pakistanla Hindistanın sərhəddində yerləşən Fazilka şəhərilə birləşməlidir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi