Türkiyənin baş naziri xarici media nümayəndələrinə müraciət edib

Ankara. 14 iyul. REPORT.AZ/ "2016-cı ilin iyulun 15-də baş verən dövlət çevirilişinə cəhddən 1 il ötür. Bu münasibətlə dünyanın 4 tərəfindən 350-ə yaxın jurnalist Türkiyədə səfərdədir. Biz yerli media ilə yanaşı, xarici media ilə də əməkdaşlıq edirik".

"Report"un xəbərinə görə, bunu Türkiyənin baş naziri Binəli Yıldırım deyib.
O, xarici media nümayəndələrinə müraciət edərək qeyd edib ki, jurnalistlər Türkiyədə baş verənlərlə bağlı obyektiv olmalıdır: "Biz xarici media sıx əməkdaşlıq edirik. Türkiyədə hər şey şəffafdır. Xarici media nümayəndələrinə hər zaman açığıq. Daim bizlə əlaqə saxlasınlar, gördüklərini, həqiqətləri yazsınlar".