Yuxarı
    Bağlamaq

    Türkiyədə sərnişin qatarı yük avtomobili ilə toqquşub: ölən və yaralananlar var

    Qəza zamanı 1 nəfər ölüb, maşinistlər də daxil olmaqla, 12 sərnişin yaralanıb

    Bakı. 26 yanvar. REPORT.AZ/ Türkiyədə sərnişin qatarı yük avtomobili ilə toqquşub.

    "Report"un məlumatına görə, bu barədə "Anadolu" agentliyi xəbər verib.

    Məlumata görə, Eskişehir-Kütahya istiqamətində hərəkət edən sərnişin qatarının Dumlupınar Məhəlləsi yaxınlığındakı nəzarətsiz keçiddə yük avtomobili ilə toqquşması nəticəsində zərbənin təsiriylə qatarın bir vaqonu relsdən çıxıb.

    Hadisə zamanı 1 nəfər ölüb. Habelə maşinistlər Rəsul Dərin, Moris Kara və təcrübəçi maşinist Emre Okyay da daxil olmaqla, 12 sərnişin yaralanıb.

    Qəza zamanı sıxılmış vəziyyətdə qalmış maşinist Moris Kara xilasedicilərin bir saat yarımlıq əməliyyatından sonra xilas edilib. O və digər yaralılar xəstəxanalara yerləşdirilib.

    Qəzanın hansı səbəbdən baş verməsi barədə heç bir məlumat verilmir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi