Yuxarı
    Bağlamaq

    Türkiyədə Kayseridə baş vermiş terror aktı ilə əlaqədar 27 şübhəli saxlanılıb

    Kayseridə keçirilən əməliyyat zamanı 1-i qadın olmaqla, daha 4 nəfər saxlanılıb

    Bakı. 5 yanvar. REPORT.AZ/ Türkiyənin Kayseri vilayətində 14 hərbçinin şəhid olduğu terror aktı ilə əlaqədar həyata keçirilən əməliyyat zamanı 1-i qadın olmaqla, daha 4 nəfər şübhəli şəxs qismində saxlanılıb.

    "Report" "Anadolu" agentliyinə istinadən xəbər verir ki, Adana Polis İdarəsinin Terrorla Mücadilə Şöbəsinin əməkdaşları tərəfindən aparılmış təhqiqat zamanı bombanın olduğu avtomobilin Adananın İmamoğlu rayonunda partlayıcı maddə ilə yükləndiyi üzə çıxıb.

    Terror aktında əli olan şübhəliləri axtaran polis Seyhan rayonunda xüsusi əməliyyat keçirib. Əməliyyat zamanı şəxsiyyətləri məlum olan Elzem Ş, Ümit K, Kenan Ç və Ekrem U saxlanılıblar.

    Məlum olub ki, onlar bomba yerləşdirdikləri avtomobili İmamoğluda terrorçuya veriblər. Bununla da terror aktı ilə əlaqədar saxlanılanların sayı 27 nəfərə çatıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi