Türkiyədə daşınmaz əmlakın reyestr xidmətində rüşvət almaqda şübhəli bilinən 46 nəfər saxlanılıb

Bakı. 21 fevral. REPORT.AZ/ Türkiyədə rüşvət almaqda və vəzifə səlahiyyətlərindən sui-istifadə etməkdə şübhəli bilinən 50-dək adam hüquq-mühafizə orqanları tərəfindən saxlanılıb.

"Report" bu ölkənin mətbuatına istinadən xəbər verir ki, Arnavutköydə daşınmaz əmlakın dövlət reyestri xidmətində keçirilmiş əməliyyat zamanı saxlanılanlardan 15-i yüksək vəzifəli şəxslərdir.

Saxlanılanlardan 1-i idarə müdiridir. Şübhəlilər arasında habelə 2 müdir müavini, 1 vəkil də var.

Xəbərdə həmçinin bildirilir ki, polis vəzifə səlahiyyətlərini aşmaqda şübhəli bilinənləri 6 ay təqib edib. Nəticədə 23 rüşvət hadisəsi kamera vasitəsilə çəkilib. 

Saxlanılanılar külli miqdarda rüşvət almaqda, vəzifə səlahiyyətlərindən sui-istifadə etməkdə ittiham olunurlar. Faktla bağlı araşdırmalara başlanılıb.