Türkiyə viza rejimi liberallaşdırılmadan Aİ ilə miqrant mübadiləsinə razı olmayacaq

Bakı. 24 Aprel. REPORT.AZ/ Avropa İttifaqı (Aİ) Türkiyə vətəndaşları üçün viza rejiminin liberallaşdırılması üzrə şərtləri yerinə yetirməzsə, Ankara miqrant mübadiləsinə razı olmayacaq.

“Report” xəbər verir ki, bu barədə ölkənin baş naziri Əhməd Davudoğlunun bəyanatına istinadən “Reuters” məlumat yayıb.

Aİ nümayəndə heyətinin Türkiyənin cənub-şərqinə səfəri şərəfinə keçirilən mətbuat konfransında çıxış edən Davudoğlu bildirib ki, viza rejiminin Türkiyə tərəfi üçün son dərəcə mühüm əhəmiyyət kəsb edir.