Türkiyə və ABŞ-ın müdafiə nazirləri İraq məsələsini müzakirə ediblər

Türkiyənin milli müdafiə naziri Hulusi Akarla ABŞ-dan olan həmkarı Mark Esper arasında telefon danışığı olub.

“Report” Türkiyə mətbuatına istinadən xəbər verir ki, bu barədə Türkiyə Milli Müdafiə Nazirliyinin xəbərində bildirilir.

İnformasiyaya əsasən, danışıqların əsas mövzusu İraqda yaranmış vəziyyət olub.

Tərəflər həmçinin danışıqların gedişatında qarşılıqlı maraq doğuran regional təhlükəsizlik məsələləri ətrafında fikir mübadiləsi aparıblar.