Türkiyə Suriyada 42 İŞİD terrorçusunu zərərsizləşdirib

Bakı. 12 fevral. REPORT.AZ/ Türkiyə Silahlı Qüvvələri Suriyanın şimalında İŞİD terror qruplaşmasının 207 obyektinə zərbə endirib.

"Report" "Anadolu"ya istinadən xəbər verir ki, bu barədə Türkiyə Baş Qərargahının "Fərat qalxanı" əməliyyatlarının 173-cü günü üzrə yaydığı məlumatda bildirilir.

Ümumilikdə 42 terrorçu zərərsizləşdirilib.

Silahlı Qüvvələr 174, aviasiya isə 33 İŞİD obyektinə zərbə endirib.