Yuxarı
    Bağlamaq

    Türkiyə Niderland səfirinin ölkəyə girişinə qadağa qoyub

    Bu barədə Türkiyənin baş nazirin müavini Numan Kurtulmuş bildirib© Courtesy İmage

    Bakı. 14 mart. REPORT.AZ/ Türkiyə hökuməti Niderland səfirinin bu ölkəyə girişinə qadağa qoyub.

    "Report" xəbər verir ki, bu barədə Türkiyənin baş nazirin müavini Numan Kurtulmuş bildirib.

    Baş nazirin müavini səfirin Ankaraya qayıtmasının qadağan edildiyini bilddirib. "Bizim tələblərimizin yerinə yetirilməyəcəyinə qədər məzuniyyətdə olan Niderland səfirinin Türkiyəyə buraxılmaması barədə qərar qəbul edilib" – deyə N. Kurtulmuş bildirib. Qeyd edək ki, Türkiyənin əsas tələbi ilk növbədə qarşı tərəfin üzr istəməsidir. Numan Kurtulmuş həmçinin bildirib ki, Türkiyə Niderlandın bütün diplomatlarının da öz ərazisinə gəlişinə qadağa qoyub.
     Baş nazirin müavini həmçinin Niderlandla yüksək səviyyəli rəsmi görüşlərin ləğv edildiyini də əlavə edib.

    Xatırladaq ki, Niderland hökuməti ötən həftə Türkiyənin göyərtəsində xarici işlər naziri Mövlud Çavuşoğlunun olduğu təyyarəni ölkəyə buraxmayıb. XİN rəhbəri Rotterdamda keçirilən mitinqdə iştirak etmək, Türkiyə vətəndaşlarını aprelin 16-da keçiriləcək Konstitusiyaya düzəlişlərlə bağlı referendum haqqında məlumatlandırmağı planlaşdırırdı. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi