Yuxarı
    Bağlamaq

    Türkiyə parlamenti Konstitusiyaya prezident idarə üsulu ilə bağlı dəyişiklikləri qəbul edib

    İclasda iştirak edən 488 deputatdan 339-u düzəlişlərin lehinə səs verib

    Bakı. 21 yanvar. REPORT.AZ/ Türkiyə parlamenti prezident idarə üsulu haqqında dəyişiklikləri bəyənib.

    "Report" xəbər verir ki, bu barədə "Anadolu" agentliyi məlumat yayıb.

    Məlumata görə, səsvermə yanvarın 21-də baş tutub. Parlamentin deputatları Konstitusiyaya prezident idarə üsulunun tətbiqi ilə bağlı olan dəyişikliklərdən ibarət qanun layihəsini dəstəkləyiblər.

    İclasda iştirak edən 488 deputatdan 339-u düzəlişlərin lehinə səs verib. AKP-dən olan deputatlar bunu ayaqüstə alqışlayıblar.

    Səsvermədən sonra çıxış edən baş nazir Bineli Yıldırım Konstitusiyaya dəyişikliklərlə bağlı "Artıq qərar millətimizindir. Millətin verdiyi qərar başımız, gözümüz üzərindədir" - deyib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi