Tunisdə silahlılar nəzarət-buraxılış məntəqəsinə hücum edib: ölən və yaralananlar var

Bakı. 12 mart. REPORT.AZ/ Tunisdə silahlılar nəzarət-buraxılış məntəqəsinə hücum edib.

"Report" xəbər verir ki, bu barədə "Reuters" məlumat yayıb.

Məlumata görə, hadisə ölkənin cənub-şərqində baş verib. Hücum zamanı 1 polis əməkdaşı həlak olub, həmçinin daha 3 asayiş keşikçisi yaralanıb.

Hücum zamanı baş vermiş atışmada 2 silahlı məhv edilib. Təhlükəsizlik qüvvələri qaçmış terrorçuların axtarışını həyata keçirir.