Tramp Texasda baş vermiş atışma haqqında məlumatlandırılıb

Birləşmiş Ştatların ədliyyə naziri - baş prokuror Uilyam Barr ABŞ prezidenti Donald Trampa Texasda baş vermiş atışma haqqında məlumat verib.

"Report" xəbər verir ki, bu barədə Ağ Evin başçısı özünün "Twitter"dəki səhifəsində yazıb.

"İndi Texasda atışma haqqında baş prokuror Uilyam Barr məlumat verdi. FTB və hüquq-mühafizə orqanları işə cəlb edilib, - Trampın statusunda deyilir.

Daha əvvəl Midlend dairəsinin polisi "Facebook"da iki nəfərin qonşu Odessa şəhərində "Home Depot" mağazasında insanlara atəş açdığını bildirib. Cinayətkarlar "Toyota" və poçt furqonu avtomobilində gizləniblər.