Tramp: “Suriyaya hərbi müdaxilə çox yaxın vaxtlarda ola bilər, yaxud olmaya da bilər”

Bakı. 12 aprel. REPORT.AZ/ “Suriyaya nə vaxt hərbi müdaxilə edəcəyimizlə bağlı dəqiq tarix söyləməmişəm”.

“Report” xarici KİV-lərə istinadən xəbər verir ki, bunu ABŞ Prezidenti Donald Tramp “Tvitter” səhifəsində yazıb.

“Suriyaya hərbi müdaxilə indi, çox yaxın vaxtlarda ola bilər, yaxud olmaya da bilər. Suriyaya nə zaman hücum edəcəyimizi heç söyləməmişəm. Hər halda mənim rəhbərliyim altında ABŞ bölgədə İŞİD-i məhv etmək üçün böyük işlər görüb. Haqqımız olan: “Təşəkkürlər Amerika” sözünüz harda qaldı?”, - D.Tramp vurğulayıb.