Tramp Rusiya ilə əlaqələri haqqında yayılan şayiələri dəlilik adlandırıb

Bakı. 27 iyul. REPORT.AZ/ Respublikaçılar Partiyasından ABŞ prezidentliyinə namizəd olan milyarder Donald Tramp demokratların elektron məktublarının sızması məsələsi üzrə Rusiya hakimiyyətiylə əlaqələri haqqında ehtimalları təkzib edib.

"Report" xəbər verir ki, D.Tarmp "Twitter" səhifəsində məsələyə münasibət bildirirək "Bu, dəlilikdir" yazıb.

"Qeyd üçün: Rusiyadakı investisiyalarım sıfıra bərabərdir", - deyə ABŞ prezidentliyinə namizəd əlavə edib.