Bakı. 18 iyul. REPORT.AZ/ Rusiya, ABŞ və İsrail Suriya və yəhudi dövlətinin təhlükəsizliyinin təmin olunmasına dair üçtərəfli, fəal danışıqlar prosesinə başlayıb.
"Report" TASS-a istinadən xəbər verir ki, bu sözləri ABŞ prezidenti Donald Tramp Ağ Evdə Konqresin üzvləri ilə işgüzar görüşdə jurnalistlər qarşısındakı çıxışında deyib.
"Biz İsraili və bu ölkənin təhlükəsizliyini müzakirə etdik. Və prezident Putin də baş nazir Binyamin Netanyahunun iştirakı ilə Suriya ilə bağlı, İsrailin təhlükəsizliyi və uzunmüddətli təhlükəsizliyi ilə bağlı müzakirəyə yaxından cəlb olunub", - deyə ABŞ-ın dövlət başçısı Helsinki sammitinin yekunlarını şərh edərkən bildirib.