Bakı. 31 may. REPORT.AZ/ ABŞ prezidenti Donald Tramp bildirib ki, Birləşmiş Ştatların KXDR əleyhinə sanksiyalarının ləğv edildiyi gün şad olacaq.
"Report" TASS-a istinadən xəbər verir ki, bu barədə "Reuters" məlumat yayıb.
"Mən bizim sanksiyaları ləğv etdiyimiz və bütün Koreya yarımadası ilə yaxşı münasibətlər qurduğumuz gün çox xoşbəxt olacam", - deyə prezident "Reuters"ə bildirib.
Daha əvvəl "The Wall Street Journal" qəzeti Vaşinqton administrasiyasına istinadən ABŞ-ın KXDR əleyhinə növbəti sanksiyalar paketini qeyri-müəyyən vaxta qədər təxirə saldığını xəbər verib. Bu addım Vaşinqtonla Pxenyan arasında Donald Trampla KXDR lideri Kim Çen Inın ehtimal edilən görüşü ilə bağlı davam edən danışıqlarla əlaqədar atılıb.