Bakı. 27 sentyabr. REPORT.AZ/ ABŞ prezidenti Donald Tramp İspaniya baş naziri Mariano Raxoy ilə danışıqlardan sonra "Twitter"də onu "prezident" kimi qələmə verərək adını səhv qeyd edib.
"Report" xəbər verir ki, "Mənim üçün İspaniya prezidenti Marianoru Coyanı qəbul etmək qürurdur. Təşəkkür edirik ki, Şimali Koreya rejiminin kəskin təcrid edilməsi istiqamətində səylərimizi dəstəkləyirsiniz", - deyə Ağ Ev rəhbəri qeyd edib.
Eyni hal birgə mətbuat konfransıında da təkrarlanıb. Konfrans zamanı Tramp ispaniyalı siyasətçiyə prezident deyəndə sonuncu təəccüblə ona baxıb. Jurnalistlər suallar verərkən Mariano Raxoya baş nazir desələr də, Tramp yenə buna məhəl qoymayıb.