Tramp artıq koronavirus daşıyıcısı deyil

ABŞ prezidenti Donald Trampı müalicə edən həkim Şon Konli bildirib ki, dövlət başçısı artıq koronavirusun yayılması baxımından başqaları üçün təhlükə yaratmır.

“Report” xəbər verir ki, bəyanatı Ağ Evin mətbuat xidməti yayıb.

Həkim qeyd edib ki, Trampın verdiyi testin nəticəsi bunu deməyə əsas verir.

Qeyd edək ki, ötən həftə ABŞ Prezidenti Donald Tramp bildirib ki, o və birinci xanım Melanya Tramp COVID-19-a yoluxub. Bundan əvvəl isə Trampın məsləhətçisi Xoup Xiksə COVID-19 diaqnozu qoyulub.