Bakı. 26 iyul. REPORT.AZ/ ABŞ prezidenti Donald Tramp Avropa Birliyi və Birləşmiş Ştatlar arasındakı isti münasibətlərindən bəhs edib.
"Report" xəbər verir ki, bu barədə o, özünün "Twitter" səhifəsində yazıb.
"Açığı, fotoda Jan-Klod Yunkerlə (Avropa Komissiyasının rəhbəri -red) təqdim olunan Avropa İttifaqı ilə sizin itaətkar nökərlə təmsil olunan ABŞ bir-birini sevirlər", - deyə Amerika liderİ yazıb.
Qeyd edək ki, dünən - iyulun 25-da Vaşinqtonda Trampla Yunker arasında görüş keçirilib.
ABŞ-ın ticarət naziri Uilbor Ross danışıqlar zamanı əldə edilmiş razılığı hər iki tərəf üçün qələbə hesab edir.