Tramp ABŞ-da iqtisadiyyatın artım tempinə verdiyi qiymətə görə Putinə minnətdarlıq edib

Bakı. 15 dekabr. REPORT.AZ/ ABŞ prezidenti Donald Tramp rusiyalı həmkarı Vladimir Putinə telefon söhbətində illik mətbuat konfransı zamanı Amerika iqtisadiyyatında artım tempinə dair dediklərinə görə təşəkkürünü bildirib.

“Report” TASS-a istinadən xəbər verir ki, bu barədə cümə axşamı Ağ evin iki ölkə liderinin telefon söhbətindən sonra yaydığı bəyanatında qeyd olunur.

"Prezident Tramp illik mətbuat konfransı zamanı Amerikada yüksək iqtisadi göstəricilərin olduğunu etiraf etdiyinə görə prezident Putinə minnətdarlığını bildirib", - deyə bəyanatda vurğulanır.