Bakı. 12 sentyabr. REPORT.AZ/ ABŞ prezidenti Donald Tramp terror aktları səbəbindən ölkədə tətbiq olunan fövqəladə vəziyyət rejiminin daha bir il müddətinə uzadılması barədə qərar qəbul edib.
"Report" xəbər verir ki, bu barədə Amerika prezidentinin Ağ ev tərəfindən yayılan bəyanatında bildirilir.
"Mən 14 sentyabr 2001-ci il tarixində elan olunmuş fövqəladə vəziyyət rejiminin bir il müddətinə uzadıldığını təsdiq edən xəbərdarlıq göndərdim", — deyə bəyanatda qeyd olunur.
Fövqəladə vəziyyət rejimi 11 sentyabr 2001-ci il tarixində baş vermiş terror aktlarından sonra hər il uzadılır.