Tramp 2018-ci ilin ABŞ-ın fond birjası üçün uğurlu olacağını proqnozlaşdırıb

Bakı. 27 dekabr. REPORT.AZ/ ABŞ prezidenti Donald Tramp bəyan edib ki, qarşıdan gələn 2018-ci il ABŞ şirkətləri və fond bazarı üçün uğurlu olacaq.

"Report" xəbər verir ki, bu barədə "RT" məlumat yayıb.

"Şirkətlər və yeni iş yerlərin yaradılması üçün çox gözəl il olacaq. Fond bazarı daha bir uğurlu ilə hazırdır", - deyə D.Tramp "Twitter" hesabında yazıb.

O, əlavə edb ki, 2018-ci il biznes üçün çox yaxşı il olacaq və bu, həmçinin yeni vergi islahatına görə mümkün olacaq.

Bu ayın əvvəli Senat 30 il dən çox müddət ərzində ilk dəfə ən böyük vergi islahatı barədə qanun layihəsini qəbul edib. Vergi hesabatı D.Trampın seçkiqabağı kampaniyası zamanı verdiyi vədlərdən biri olub.