Bakı. 27 may. REPORT.AZ/ Tokyonun Xaneda hava limanında "Korean Air" aviaşirkətinə məxsus "Boeing 777" avialaynerin sol mühərrikinin yanması nəticəsində 319 sərnişin və ekipaj üzvü təcili təxliyyə olunub.
Bu barədə "Report" "Kiodo"ya istinadən xəbər verir.
Təyyarə havaya qalxmaq üçün uçuş-eniş zolağına çıxıb, bu zaman sol qanadı tərəfindən tüstünün çıxdığı müəyyən olunub. Bütün 319 sərnişin və ekipaj üzvü təcili təxliyyə olunub, xəsarət alan olmayıb. Təyyarə Tokyodan Seula uçurdu.
Yanğın söndürülüb. Polis və yanğınsöndürənlər hadisənin səbəblərini araşdırır.