Terrorçuların İraqın kəndinə hücumu zamanı 14 dinc sakin həlak olub

Bakı. 11 iyun. REPORT.AZ/ İŞİD terrorçuları İŞİD-in daha bir yaşayış məntəqəsinə hücum edib.

"Report" xəbər verir ki, bu barədə "Sinxua" agentliyi yerli məmura istinadən məlumat yayıb.

Məlumatda bildirilir ki, hadisə Salah-ed-Din vilayətinin Mseyli kəndində qeydə alınıb. Belə ki, 20 terroçunun kəndə hücumu nəticəsində 14 dinc sakin həlak olub. Onlar arasında qadınlar və 3 uşaq da var.

Ağır döyüşlər zamanı təhlükəsizlik qüvvələri 5 terrorçunu məhv edib. 

Qeyd edək ki, İŞİD terror qruplaşması İraqın Mosul şəhərindən 100 kilometr cənubda yerləşən Şirkat şəhərinə də hücum edib. Hücum nəticəsində azı 30 nəfər həlak olub. Ölənlər arasında hərbçilərlə yanaşı, mülki şəxslər də var.