Terrorçular Dəməşqi atəşə tutublar, 2 nəfər ölüb, 4-ü yaralanıb

Bakı. 13 mart. REPORT.AZ/ Dəməşq ətrafında yerləşən qaçqın düşərgələrindən birinin terrorçular tərəfindən minaatanlardan atəşə tutulması nəticəsində 2 nəfər ölüb, 4-ü yaralanıb.

“Report” TASS-a istinadən xəbər verir ki, bu barədə bazar ertəsi yerli polisə istinadən SANA agentliyi məlumat yayıb.

Bildirilir ki, terrorçuların hədəfi Suriya paytaxtından cənubda yerləşən Əl-Buşeyr məscidi ərazisindəki Yarmuk düşərgəsi olub.