Yuxarı
    Bağlamaq

    Taylandda silsilə partlayışlar törədən iki yaraqlı əldəqayırma bombanın partlaması nəticəsində ölüb

    Ölkənin Narativat, Pattani və Sonqkla əyalətlərində 18 partlayış törədilib

    Bakı. 20 aprel. REPORT.AZ/ Taylandın cənubunda polis postları və hərbi hissələrə 18 hücum təşkil edən və partlayışlar törədən iki separatçı yaraqlı əldəqayırma bombanın partlaması nəticəsində ölüb. 

    "Report” Tayland mediasına istinadən xəbər verir ki, onların hücumlarının birinin qarşısını alan zaman 2 polis əməkdaşı yaralanıb.

    Hər iki yaraqlı Sonqkla əyalətindəki hərbi hissəyə yaxınlaşarkən motosikletdə quraşdırılmış əldəqayırma bombanın partlaması nəticəsində hadisə yerində ölüb.

    İki polis isə Narativat əyalətində yaraqlıların hücumu nəticəsində qumbara partlaması zamanı yaralanıb.

    Qeyd edək ki, aprelin 19-da Taylandın cənubunda yerləşən Narativat, Pattani və Sonqkla əyalətlərində polis şöbələri, postları və hərbi hissələrə qarşı 18 partlayış törədilib və avtomatik silahdan atəş açılıb. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi