Yuxarı
    Bağlamaq

    ​"Taliban" hərəkatının yeni liderinin adı açıqlanıb

    2013-cü ildə öldürülən hərəkat lideri Molla Ömərin oğlu onun müavinlərindən biri olub

    Bakı. 25 may. REPORT.AZ/ Əfqanıstanın "Taliban" hərəkatının yeni liderinin adı açıqlanıb. 

    "Report" Əfqanıstanın "Khaama Press" agentliyinə istinadən xəbər verir ki, Mövləvi Heybətulla Axundzadə hərəkatın yeni lideri olub. 

    Məlumata görə, hərəkatın liderliyinə bir neçə nəfər iddia edirmiş. Onların arasında Siracuddin Hakkani və bu terrorçu qruplaşmanın 2013-cü ildə öldürülən yaradıcısı və lideri Molla Ömərin oğlu Molla Yaqub da olub. Onlar Mövləvi Heybətullah Axundzadənin müavinləri təyin ediliblər.

    Qeyd edək ki, bu il mayın 21-də qruplaşmanın başçısı Əxtər Mansur pilotsuz uçan aparatlar vasitəsi ilə Pakistan ərazisində öldürülüb.

    Xatırladaq ki, "Taliban" hərəkatı 1994-cü ildə yaradılıb. 2003-cü ildə BMT-nin Təhlükəsizlik Şurası onu terrorçu qruplaşma elan edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi