Bakı. 24 may. REPORT.AZ/ Tailandda 2018-ci ilin ikinci yarısına nəzərdə tutulmuş parlament seçkiləri ölkədə siyasi zəmində zorakılıq aktları davam edəcəyi təqdirdə təxirə salına bilər.
"Report" TASS-a istinadən xəbər verir ki, bu barədə "The Bangkok Post" qəzeti yazıb.
Baş nazir Prayut Çan-Oça dəfələrlə bəyan edib ki, seçkilər cəmiyyətdə yalnız "sülh və asayişin qorunub saxlancağı" təqdirdə keçiriləcək.
Çan-Oça Banqkok hospitalında törədilən partlayışdan sonra yenidən bu məsələyə toxunub:
"Biz partlayışların davam etdiyi, silah istifadə olunduğu, insanlar bir-biri ilə münaqişə etdiyi bir vəziyyətdə seçki keçirə bilərikmi? Bu, bütün (siyasi) qrupların bir-biri ilə əməkdaşlığından asılıdır", - deyə baş nazir bildirib.