Yuxarı
    Bağlamaq

    Tailandda buddist bayramı həftəsində baş vermiş yol qəzalarında 390 nəfər ölüb

    Qəzalar zamanı 3808 nəfər xəsarət alıb© Foto: Flickr/ Jim Fruchterman

    Bakı. 18 aprel. REPORT.AZ/ Tailandda Sonkran buddist bayramında - aprelin 11-dən 17-dək "yeddi təhlükəli gün" ərzində baş vermiş yol qəzalarında 390 nəfər ölüb.

    "Report" "RİA Novosti"yə istinadən xəbər verir ki, bu barədə jurnalistlərə ölkənin Daxili İşlər Nazirliyinin daimi katibi Krisad Bunrat xəbər verib.

    O, bildirib ki, buddist ay təqviminə əsasən keçirilən yeni il bayramı günlərində 3690 yol-nəqliyyat hadisəsi baş verib. Qəzalar zamanı 3808 nəfər xəsarət alıb.

    Bunrat bəyan edib ki, ötən illə müqayisədə Sonkran bayramı zamanı baş vermiş yol qəzalarında ölüm halları 12 faiz azalıb. O, qeyd edib ki, hökumət bu bayramlar dövründə hərəkətin təhlükəsizliyinin təmin edilməsinin nəticəsi olaraq xüsusi uğurları müşahidə edir.

    Daxili İşlər Nazirliyinin məlumatına görə, qəzaların 43 faizi sərxoş sürücü təqsiri üzündən, 28 faizi isə icazə verilən sürət həddinin aşılması nəticəsində baş verib.

    Yol-nəqliyyat hadisələrinin 85 faizi motosikletçilərin iştirakı ilə baş verib. "Ən çox yol qəzası bayramın hər 7 günündə, saat 16-20 arasında qeydə alınıb" – deyə Bunrat bildirib.

    Qeyd edək ki, Tailand son illər yol-nəqliyyat hadisələrində ölüm hallarının sayına görə dünyada ilk yerlərdən birini tutur.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi