Yuxarı
    Bağlamaq

    Tailandda ağır yol qəzası baş verib: 9 ölü, 4 yaralı

    Yük avtomobili mikroavtobusla toqquşub

    Bakı. 16 fevral. REPORT.AZ/ Tailandda bir neçə nəfərin ölümü və xəsarət alması ilə nəticələnmiş zəncirvari yol qəzası baş verib.

    "Report"un məlumatına görə, bu barədə "Xxom Çat Lık" qəzetinin internet versiyası xəbər verib.

    Məlumatda bildirilir ki, ölkənin şimalında, Çianqray vilayətində yük avtomobilinin mikroavtobusla toqquşması nəticəsində 9 nəfər ölüb, daha 4 nəfər xəsarət alıb. Qeyd edilir ki, sement daşıyan yük avtomobilinin sürücüsü motosikletlə toqquşmamaq üçün yolun əks tərəfinə çıxıb və nəticədə qarşıdan gələn mikroavtobusla toqquşub.

    Hadisə zamanı mikroavtobusda 8 nəfərin olduğu bildirilir. Qəza zamanı yük avtomobilinin sürücüsü və mikroavtobusun bütün sərnişinləri hadisə yerindəcə ölüblər.

    Zəncirvari qəzada daha 2 avtomobil zədələnib və 4 nəfər xəsarət alıb. Yaralılar xəstəxanaya yerləşdirilib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi