Tailand hərbçiləri dənizdə batan gəmidən 73 nəfəri xilas edib

Tailand hərbçiləri Andaman dənizindəki Bu-Bu adası yaxınlığında batan sürətli qayıqdan 73 nəfəri xilas edib.

“Report” xəbər verir ki, bu barədə Tailandın Milli Xəbərlər Bürosu məlumat yayıb.

Yüksək dalğalar gəminin aşmasına səbəb olub. Tailand Hərbi Dəniz Qüvvələrinin 491-ci Xüsusi Təyinatlı Eskadrilyasının üzvləri qəza yerinə gəlib və sərnişinləri xilas ediblər.

Hadisə nəticəsində 15-ə yaxın sərnişin yüngül bədən xəsarətləri alıb, onlara yaxınlıqdakı tibb müəssisəsində tibbi yardım göstərilib.