Tacikistanda avtobus çaya düşüb, 10 nəfər ölüb

Bakı. 28 avqust. REPORT.AZ/ Tacikistanın cənub-şərqində mikroavtobusun çaya düşməsi nəticəsində 4-ü uşaq olmaqla 10 nəfər həyatını itirib.

"Report" xəbər verir ki, hadisə bu gün səhər saatlarında Roştkala–Xoroq avtomobil yolunda baş verib.

İlkin ehtimala görə, sürücü idarəetməni itirib və nəticədə mikroavtobus Şohdara çayına düşüb. Nəqliyyat vasitəsində 13 nəfər olub, onlardan 3-ü xilas edilib.