Rusiyaya məxsus Mİ-25 hərbi helikopteri Suriyada İŞİD tərəfindən vurulub

Bakı. 9 iyul. REPORT.AZ/ Suriyada Rusiyaya məxsus Mİ-25 hərbi helikopteri vurulub. 

"Report"un məlumatına görə, bu barədə Rusiyanın Müdafiə Nazirliyi xəbər yayıb.

Nazirliyin məlumatına görə, hadisə Suriyanın Xüms vilayətində baş verib. Helikopterin İŞİD terrorçuları tərəfindən vurulduğu bildirilir.

Helikopter Suriyanın hökumət qüvvələrinin nəzarəti altında olan əraziyə düşüb. 

Hadisə nəticəsində ekipaj üzvləri həlak olub.