​Suriyada məktəb yaxınlığında partlayış baş verib

Bakı. 14 iyun. REPORT.AZ/ Suriyanın qərbində, Homs əyalətində məktəb yaxınlığında yük maşınının partlaması nəticəsində 27 nəfər xəsarət alıb.

"Report" xəbər verir ki, bu haqda "RİA Novosti" məlumat yayıb.

Xəbərdə bildirilib ki, hadisə baş verən zaman məktəbdə şagirdlər imtahan verirmiş.

Məlumata əsasən, partlayış baş verən əraziyə Bəşşar Əsədə tabe silahlılar nəzarət edir.