Yuxarı
    Bağlamaq

    Suriyada atəşkəs haqqında razılıq qüvvəyə minib

    Atəşin dayandırılması barədə razılaşma İŞİD-ə qarşı əməliyyatlara şamil edilmir

    Bakı. 30 dekabr. REPORT.AZ/ Suriyada prezident Bəşər Əsəd tərəfdarları ilə müxalif qruplaşmalar arasında əldə edilmiş atəşkəs razılığı qüvvəyə minib.

    "Report" xəbər verir ki, tərəfər ümumi razılıq çərçivəsində bir-bilərinə qarşı hücumların edilməyəcəyi, nəzarət altında olan bölgələri bir-birlərinin əleyhinə genişləndirməyəcəkləri barədə qarşılıqlı öhdəlik götürüblər.

    Suriyanın hökumət qüvvələri ilə müxalifləri arasında danışıqlarda vasitəçi kimi iştirak edən Türkiyə və Rusiya rəsmiləri atəşkəsin əldə edilməsini alqışlayıblar. Rusiya prezidenti Vladimir Putin də ötən gün ölkəsinin və Türkiyənin təminatçılığı ilə atəşin dayandırılması barədə razılığın əldə edildiyini bildirib.

    Qeyd edək ki, atəşin dayandırılması barədə razılaşma İŞİD və digər terror qruplaşmalara qarşı hərbi əməliyyatlara şamil edilmir. Ötən gün Hələbin bir sıra yaşayış məntəqələri terrorçu qruplaşmalar tərəfindən atəşə tutulub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi