Yuxarı

​Suriyada 10 min türkmənin taleyindən xəbər yoxdur

Ötən gecə 200 türkmən ailəsi isə Türkiyəyə sığınıb

Bakı. 24 iyun. REPORT.AZ/ Ötən gecə 200 türkmən ailəsi Suriyada İŞİD-dən sonra kürdlərin Demokratik Birlik Partiyası (PYD) silahlılarının təzyiqlərindən qaçaraq Türkiyəyə sığınıb.

"Report" xəbər verir ki, bu haqda "Anadolu" Agentliyi məlumat yayıb.

Belə ki, Suriyanın Tel-Abyad bölgəsini ələ keçirən PYD terrorçuları türkmənlərin kəndlərinə gedərək, onlardan ərazini boşaltmağı tələb ediblər. Kürd terrorçuları yerli sakinləri hədələyərək, bildiriblər ki, çıxıb getməsələr, o zaman kəndi bombalayacaqlar.

Məlumata əsasən, türkmənlər doğma yurdlarını tərk etsələr də, Suriyaya - öz evlərinə qayıtmaq üçün Türkiyədən yardım istəyiblər.

Xəbərdə bildirilib ki, Suriyanın Rakka bölgəsindən qaçan 10 minə yaxın türkmənin taleyindən məlumat yoxdur.  

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi