Bakı. 25 yanvar. REPORT.AZ/ Suriya üsyançıları paytaxt Dəməşqi raket atəşinə tutublar. Nəticədə 7 nəfərin öldüyü bildirilir.
"Report" xəbər verir ki, bu barədə Britaniyada yerləşən Suriya insan haqlarına riayət olunması üzrə monitorinq mərkəzi məlumat yayıb.
Məlumata görə, "İslam ordusu" qruplaşması paytaxta ən azı 40 raket atıb.
Üsyançılar özləri isə bu addımın hökumət qoşunlarının ötən həftə Dəməşq ətrafına on nəfərin ölümü ilə nəticələnən aviahücuma cavab olaraq atıldığını bəyan ediblər.