Suriya televiziyası İŞİD liderinin Rəqqada öldürüldüyü barədə xəbər yayıb

Bakı. 11 iyun. REPORT.AZ/ İŞİD terror təşkilatının lideri Əbubəkr əl-Bağdadinin Suriyanın Rəqqa şəhərinə endirilən hava zərbələri nəticəsində öldüyü iddia edilir.

"Report" RİA "Novosti"yə istinadən xəbər verir ki, bu barədə Suriya televiziyasına istinadən "Daily Mail" qəzeti yazıb.

Nəşrin məlumatına görə, lakin terrorçularla əlaqəli "Amaq" saytı bu məlumatın təsdiqi ilə bağlı heç bir xəbər yazmayıb.