Bakı. 25 noyabr. REPORT.AZ/ Suriya ordusu Türkiyə ilə sərhəd tərəfdən bir neçə strateji mövqeni ələ keçirərək Hələb şəhərinin şimal-şərqində "Nüsra cəbhəsi" ("Cəbahət ən-Nüsra") terror qruplaşmasının üzvlərini mühasirəyə alıb.
"Report" xəbər verir ki, bu barədə SANA agentliyi məlumat yayıb.
Hökumət qoşunları Hələbin şimal-şərq dairəsinin bir hissəsini ələ keçirməklə terrorçuların Türkiyə sərhədi tərəfdən təchizat yolunun qarşısını kəsib.
İndi Əl-Manaşer, Əl-Makləa yaşayış məntəqələri və Əl-Ueca rayonu ərazisindəki yüksəkliklər ordu və yerli özünümüdafiə qüvvələrinin nəzarəti altındadır.
Hərbi əməliyyatlar zamanı terrorçuların nəqliyyat vasitələri və çoxlu sayda canlı qüvvəsi məhv edilib.