Suriya ordusu bəzi neft qüllələrini İŞİD-dən geri alıb

Bakı. 20 iyul. REPORT.AZ/ Suriya ordusunun İŞİD-in "paytaxtı" Raqqa şəhərinə hücumu nəticəsində 40-dan çox neft qülləsi terrorçulardan alınıb. Həmin qüllələrin hamısı geri çəkilən "İslam Dövləti" döyüşçüləri tərəfindən dağıdılıb.

"Report" xəbər verir ki, bu barədə Raqqadakı neft mədənlərinin bərpasına görə məsul olan mühəndis-neftçi Əli İbrahim deyib.

Onun sözlərinə görə, ərazilər minalardan təmizləndikdən sonra mədənlərin bərpasına başlanacaq.