Yuxarı
    Bağlamaq

    ​Suriya müxalifəti Hələb şəhərini raket atəşinə tutub

    Nəticədə dörd nəfər, eləcə də, ana və uşaq həlak olub

    Bakı. 4 may. REPORT.AZ/ Suriya silahlı müxalifətinin yaraqlıları bazar günü ölkənin şimal paytaxtı Hələb şəhərinin üç yaşayış məhəlləsini raket atəşinə tutublar.

    "Report" Rusiya mətbuatına istinadən xəbər verir ki, bu barədə şəhər polisinin nümayəndəsi məlumat verib.

    Məlumata əsasən, şəhər reaktiv yaylım atəşi qurğularından atəşə tutulub.

    Onun sözlərinə görə, atılan mərmilər Əşrəfiyyə, Kuatlı və Əl-Əziziyyə küçələrində partlayıb. Nəticədə dörd dinc sakin, eləcə də, ana və uşaq həlak olub, daha 36 nəfər yaralanıb.

    Şənbə günü açılan raket atəşi nəticəsində isə 14 dinc sakin həyatını itirib, daha 60-dan çox insan yaralanıb.

    Hücuma görə məsuliyyəti Bəni-Zeyd rayonunu ələ keçirən "Şühəda Bədr" ekstremist qruplaşması üzərinə götürüb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi