Bakı. 29 yanvar. REPORT.AZ/ Birləşmiş Suriya müxalifəti bu gün Cenevrədə başlayan danışıqlarında iştirak etməyə razılıq verib.
"Report"un BBC-yə istinadən verdiyi xəbərə görə, müxalifət nümayəndələri "ABŞ və BMT-nin təminatından" sonra diyaloq prosesinə qatılmağa hazır olduqlarını bəyan ediblər.
Qeyd edək ki, danışıqlar birbaşa aparılmır. Belə ki, münaqişə tərəfləri BMT baş katibinin xüsusi nümayəndəsi Staffan de Mistura ilə ayrı-ayrılıqda görüşürlər.
Artıq bu gün o, rəsmi Dəməşqin nümayəndə heyəti ilə 2.5 saat danışıqlar aparıb.