Bakı. 17 yanvar. REPORT.AZ/ Suriyada son sutka ərzində "İraq-Şam İslam Dövləti" (İŞİD) terror qruplaşmasının yaraqlıları tərəfindən 15 nəfər edam edilib.
"Report" BBC-yə istinadən xəbər verir ki, bu barədə Böyük Britaniyada yerləşən Suriya insan haqlarına riayət olunması üzrə monitorinq mərkəzi məlumat yayıb.
Məlumata görə, edamlar Suriyanın şərqində yerləşən şəhərlərdə qeydə alınıb.
Öldürülənlər İŞİD-ə qarşı müqavimət göstərməkdə ittiham olunublar. Hüquq müdafiəçilərinin məlumatına görə, bəzi qurbanlar güllələndikdən sonra çarmıxa çəkiliblər.