Sudanda yüksək rütbəli hərbçilər dövlət çevrilişi cəhdilə bağlı ittiham olunur

Sudanda dövlət çevrilişi cəhdi ilə bağlı aparılan istintaq çərçivəsində azı 11 nəfər yüksək rütbəli hərbçi həbs olunub.

“Report” TASS-a istinadən xəbər verir ki, Sudan Hərbi Keçid Şurasından verilən məlumata görə, onlar bu ilin aprel ayında hakimiyyətdən kənarlaşdırılmış prezident Ömər əl Bəşirə bağlı olan şəxslərdir.

Həmin şəxslər arasında Birləşmiş Qərargah rəisi Haşim Əbdül Mütəlib, tank qoşunları komandanı Nəsrəddin Əbdülfəttah, Mərkəzi Hərbi Dairə komandanı Bəhr də var.