Bakı. 1 May. REPORT.AZ/ Sudanda “An-26” tipli nəqliyyat təyyarəsi qəzaya uğrayıb.
“Report” RİA “Novosti”yə istinadən xəbər verir ki, qəza Şimali Kordofan ştatında təyyarə hava limanına eniş edən zaman baş verib.
"5 nəfərdən ibarət olan bütün heyət üzvləri həlak olub", – deyə ordu komandanlığından bildirilib.
“An-26” Sovet istehsalı olan hərbi nəqliyyat təyyarəsidir. Sudan ordusu bu modeldən adətən yaraqlılara qarşı əməliyyatlar zamanı istifadə edir.