Sudanda girov götürülən BMT əməkdaşları azad edilib

Bakı. 1 fevral. REPORT.AZ/ Sudanda müxalif Milli Azadlıq Hərəkatı adlı qruplaşma üzvləri tərəfindən girov götürülən bir qrup BMT əməkdaşı azad edilib.

"Report" CNN telekanalına istinadən xəbər verir ki, BMT Ərzaq Proqramının layihəsi çərçivəsndə humanitar missiya həyata keçirən 6 ekspert helikopterin müxalifətin nəzarəti altındakı əraziyə məcburi enişi nəticəsində girov götürülmüşdü. Ancaq çox keçmədən onlar azad edildi.